Main chauki par baithi kabhi apne samne baithi mumma, Di aur Aunty ko dekhti, to kabhi corridor ke bahar khade Dhruv ko, jo mere taraf pith kiye khade the.

Mai apna sir jhukaye, anguliyan masalate huye, Bhagwan ji se bas yahi dua kar rahi thi ki main jaisa soch rahi hun waisa na ho.

Tabhi Sneha di ne kaha, "lo Drishya bhi aa gaya."

Mai ne tab bhi sir upar nahin kiya. Tabhi Pappa bhi Panditji ko leke aa gaye. Mai ne halke se sir tedha kar ke dekha, Dhruv ab bhi usi jagah khade the. Kya ho raha tha kuchh bhi samjh nahin aa raha tha.

Pandit ji ne Aunty ke hathon mein unke pooja ki thali aur mata raani ki chunari di. Aunty ne dhire se unhen kuchh kaha to unhone mere sir par hath rakh kuchh mantra padhe. Is waqt mujhe bilkul bali dene se pooje jane vale bakre jaisi feeling aa rahi thi.

Tabhi Mumma ne mujhe Panditji ke panv chhune ko kaha. Mai ne dhire se unke panv chhu liye. Vo chale gaye to mumma ne Aunty se kaha nimmi ab hum roke ki rashm shuru karte hain.

"Haan." Aunty ne sirf itna kaha aur mere samne baith gayi. Mai ne ankhen band kar li, mai samjh gayi ki kal vala sapna mera sach hone ke kagar par tha. Aankhein gili ho rahi thi to mai ne chehra niche kar liya.

Aunty ne mere sir par wo chunari dali. Uske bad unhone mere mathe par Kumkum lgaya, mai ne ankhen band kar li. Unhone meri god mein nariyal ke sath gifts box rakhe.

Tabhi mujhe Dhruv ki fragrance mehasus hui, mai ne najar uthai to meri najar un par gayi. Unke chehre par koi bhaav nahin the. Lekin ankhe mujh par tiki hui thi. Mai ne unke bagal khade Pappa par najar dali, unke chehre par to apni laadli se dur hone ka gum chhaya hua tha.

Mai ne phir se Dhruv ko dekha, unki ankhon mein ab bhi koi bhaav nahin the, mai ne palaken jhuka li. Kya sach mein Aunty aur Mumma mera roka kar rahi thi, vo bhi is gadhe drishya ke naam ki chunari ke sath?

Tabhi Mumma ne kaha, "aaja beta, tu bhi baith."

Mujhe apne bagal chauki sarkane ki awaz aayi. Aur Drishya ki perfume mehsus hui. Lekin meri himmat n hui ki main Drishya ko najare utha kar dekhun.

Meri ankhon se anshu bas bahne hi vale the. Mumma aur Pappa ne apne taraf se roke ki rashm ki. Uske bad Sneha di aayi, unhone mere hathon par kuchh paise rakhe.

Aur hanste huye boli, "Trisha, sir to upar kar. Ab to tu officially meri bhabhi banne vali hai."

Itna sunna hi tha ki meri ankhon se anshu bah nikle. Unki hansane ki awaz tej ho gayi. Wo mere chin par hath rakh mera sir uthate huye boli, "Arey abhi se kyun ro rahi hai? Tension mat le tum logo ki studies puri ho jaane ke baad hi, ye shaadi hogi. Ab to ankhe khol le."

Mai ne jor se rote huye sir na me hila diya.

Mumma hansne lagi aur mere anshu pochhte huye bole, "arey khol na."

Mai ne unka hath jhatak diya aur sir dusri taraf ghuma liya, "mujhe nahin kholna. Mujhe aapse koi baat nahin karna, mumma. Mere sath dhoka hua."

Aunty bhi hansne lagi, "lekin bachhe kaisa Dhokha? Tu aankhe khol to sahi."

Mai aur zor zor se rone lagi. Tabhi Pappa ne mere sir par hath rakha, "beta, tu ankhe khol to sahi..."

Mai ne unka hath bhi hata diya aur siskate huye boli, "Pappa aapne bhi dhokha diya, mujhe apse bhi koi baat nahin karni. Nahin kholungi aankhe."

Tabhi Drishya ne kaha, "lagta hai kuchh jayada hi ho gaya, bechari meri Trisha baby. That's not fair maas, uncle aap logo ne use jyada hi dara diya." Uski baat sun sab ek sath hans pade.

Uski baat sun mere mathe par sikudan aayi hi thi. Ki mere kaano mein Dhruv ki awaaz aayi, "agar main kahun to bhi nahin kholegi aankhe?"

Itna sunna hi tha meri palkein fauran khuli, aur sidhe un bhuri aankho se ja takrai, jo sidhhat se mujhe dekh rahi thi. Ek pal to mai confuse ho gayi. Lekin agle hi pal jab wo sabke hath hanse to mai ne najaren ghumai, mere bagal chauki par Mitali di baithi hui thi aur unke dusri taraf gadde par Drishya. Mai ne fir se samne dekha usi ki tarah Dhruv bhi gadde par baithe huye the.

Mai dhire dhire sab kuchh samjhne ki kosish kar rahi thi. Tabhi Sneha dii ne hanste huye kaha, "bhaiya yrr, apke plan ne to aapki Trishu ke dimaag ka fuse hi uda diya hai."

Mai ne ankhen chhoti karke unhe dekha to halke se muskurate huye sir haan mein hila diya. Itna sunna tha ki mera mukka uda aur sidhe jaa kar unke sine par land hua.

Unhone aankhen badi kar ke mujhe dekha. Mumma dantte huye boli, "Trisha ye kya kar rahi hai tu?"

Jis par Dhruv dhire se bole, "Maasi calm down. Uska Isse bhi jyada maarne ka haq banta hai. Mai ne bhi to pareshan kiya use."

Tabhi itni der se shaant baithi Mitali di ne siti maari, "Woohoo Dhruv bhaiya you're totally whipped."

"Mitaali." Kano mein Mitansh bhaiya ki awaaz gyi to mai ne sir ghuma kar unhe dekha. Mumma aur Aunty ke pichhe gadde par wo Pappa ke sath baithe the.

Unke rokne par Mitanshi dii chupchap baith gayi to Aunty boli, "Mitansh beta, aapki bahan ab humari beti banne vali hai, to unke bachpane ko hum bhi jeena chahte hain. Isliye please koi roktok nahin."

Itna sunna hi tha Mitali di ne phir se siti maar di. Jis par sab ne ghur kar unhe dekha toh wo Sir jhuka ke baith gayi. Lekin jab agle pal hum sab hanse to vo bhi muskura uthi.

Tabhi mai apne hath fenkte huye boli, "okay enough family drama. Ab koi mujhe ye btayega ki ye sab kya ho raha hai aur kaise?"

Drishya ne mere kandhe par hath rakha to mai ne sir ghuma kar use dekha, "haan bata."

Wo daant dikhate huye bola, "mai to yeh bol raha tha ki ye sab jisne plot kiya hai, vohi btayega, usse puchh."

"Pehli baar tune kaam ki baat ki hai." Mai ne kaha aur Dhruv ki taraf palat kar unhe ghura. Wo apne gale par hath rakh idhar udhar taakne lage.

Mai ne unka chehra pakad kar apni taraf ghuma liya, "ab jyada baniye mat, chupchap munh kholiye."

"Lekin chupchap munh kaise khol sakta hun, trishu?"

Jis par mai ne unhe ankhe dikha di.

"Acha acha theek hai batata hun." Wo bole aur btana shuru kiya, "kal jab Maasi aur uncle garden mein aaye the toh unhone humari koi bhi baat nahin suni thi. Wo toh bas acting kar rahe the naaraz hone ki. Kyunki ye engagement tere liye surprise hone vala tha, humne ek mahine pehle hi soch liya tha. Lekin tu is tarah se apni hi duniya mein khoi hui thi to humne bhi drama continue kar liya, varna mom ne bola tha ki mandir aate hi hum tujhe sari sacchai bata denge."

"Ohh." Mai ne gardan hilai aur sab ko ghur kar dekha jo muskurate huye hum dono ko dekh rahe the. Mai ne mumma ko shikayat bhari najron se dekha to wo Dhruv ki taraf ishara karte huye kaha, "sab iska plan tha."

."aap to ghar chlo, uske bad btati hun mai." Mai apne hontho mein badbdai. Tabhi Drishya chillate huye bola, "Maasi aapke hone vaale damad ki fielding set hai."

Mai uski taraf palti, uske bagal baithi di ko dekh boli, "dii, apne hone vale mangetar ko samjha dijiye. Kahi aisa na ho ki engagement stage par ye wheelchair par baith ke jaaye."

Jis par dii ne sabki najar se bacha ke use chiti kant li. Aur mai dhire se muskura uthi.

Tabhi aunty ne bola ki, ab bas ek rashm baaki hai, uske bad mata ji ke darshan kar kr ghar chalenge.

"Lekin ek second!" Mai haath upar karte huye boli. Sabki najar mere upar tik gayi. Mai aage boli, "jab aap logo ne pehle se hi ye sab kuchh fix kar rakha tha. Phir us din aap dono mere aur drishya ki sagai ki baat kyun kar rahin thi?"

Jis par aunty ne muskurate huye mujhe dekha, "achha ji? Lekin humne kab ki tere aur Drishya ki sagai ki baat."

Jis par chillate huye khadi hone lagi, lekin Dhruv ne mera hath pakd mujhe niche baitha liya, "mai ne suna tha, yaad hai, mere exams ke pehle aap us din baat kar rahin thi."

Meri bat sunte hi mumma aur aunty jor se hansane lagi to Mera shaq badh gaya. Mai ne naal sikodi aur munh bana kar kaha, "aap logo mere masum se Dil ke sath aise nahin khel sakte bata de rahi hun, varna Dhruv ko shadi se pehle leke bhag jaungi."

"Abey." Dhruv ne chidh kar kaha.

Aunty pyar se boli, "acha baba, sorry. Us din na hum dono tere aur Dhruv ki hi baat kar rahe the. Tabhi Tripti ne ishara kiya ki tu humari batein sun rahi hai to humne baton ko ghuma diya."

Unki baat sun meri aankhe badi ho gayi aur mai lagbhag rote huye boli, "Haye kitna nautankibaj sasural mila hai mujhe."

Aur ek bar mahaul mein hansi gunj uthi. Kuchh der bataon ko silsila chla, uske baad aunty ne akhiri rashm karwai. Isme mujhe aur Dhruv ko Little finger aur index finger ungaliyon ke pichhe se join kar, ungaliyon ko mod kar, aarti ke thaal par Swastik chinh bnana tha. Jisne bina ungaliyan khole swastik pura bna liya wo superior mana jayega.

Dhruv ne to jis tarah se aunty ne kaha tha us tarah anguliyon ko bna bhi liya aur Swastik chinh bnane lage. Mai ne apne bagal dekha Dii aur Drishy bhi bana rahe the. Lekin meri dono ungaliyan join hi nhi ho pa rahi thi.

Drishy aur Mitanshi dii ne bna bhi liya aur un dono ne sath mein bnaya tha.

Mai ne Dhruv ki taraf dekha to unhone apni sir ghuma kar mujhe dekha, unhone bhi abhi Swastik bnana shuru nahin kiya tha. Meri shakl dekh wo samjh gaye, muskurate huye unhone dusre hath se mera hath pakda aur use apne hath par Swastik chinh pura kar diya.

Tabhi Sneha dii hans kar boli, "Bhai kya yaar, apni hone vali bivi se itni jealousy. Usko khud se bnane to diya hota. Maana ki aap bade hain to kya aap use ghar ka supreme banne hi denge."

Dhruv ne meri taraf dekha aur bole, "wo mere liye humesha superior rhegi Snehu. Aur meri first priority bhi. Rahi baat is Rashm ki to I've shown that ki bada hone ki vajh se samajhdari mujh mein jyada hai, lekin mere liye boundaries tay Trishu hi karegi."

"Damn bro." Mitanshi dii ne fir se siti baja di aur chillate huye boli, "kya line maari hai." Unhe dekh Mitansh bhaiya ne apna sir pakd liya. Pappa unke kandhe par hath rakh muskura uthe.

Rashm puri hui aur hum sab jode mein darshan karne ke liye mandir ke garbhagrih mein aa gaye

Sabse aage Drishya aur dii. Uske pichhe Dhruv aur mai. Phir mumma pappa. Sneha Dii, aunty aur Mitansh bhaiya sbse pichhe the. Mai ne sir ghuma kar dekha to Mitansh bhaiya ikdam dii ke barbar mein khade the, jise dekh mere hontho par muskan fail gayi.

Mai ne bhgwan ji ko dekha aur man hi prathna ki, "hey Gaurishankar, jis tarah se aapne aaj tak humare rishte ko banaya rakha hai us tarah se aage bhi bnaye rakhiega. Humare Jeevan mein koi bhi mushkilen aye to hum sath lad sake. Humari families ko bhi khush rakhiyega. Haan wo sab to aap bina bole bhi sun loge. Bas ittu si vinti hai ki jab mai aaspaas na rahun to Dhruv ko baki sari ladkiyon se dur rakhna."

Mai ne aankhe khol ke Dhruv ko dekha, us waqt unhone bhi meri taraf dekha, mai ne ankhe ghuma kar dekha sab ankhe band kiye khade the. Mai ne ediyon ko uthate huye unse kaan mein puchha, "kya maanga Mr would be my husband?"

Unhone mujhe dekha aur muskuraye, "Tujhe."

Jis par mai muskura uthi aur apna sir unke kandhe se tika maa Gauri aur Shivashankar ko dekh ankhen band kar li.

Unki tarah hi humari Kahani bhi mukammal ho chuki thi.

THE END

A/n; finally ye book finish kar hi di mai ne. Aah itni khushi ho rahi na kya btau! Jaane do waise bhi kaun sunne ke liye baitha hai. Chlo jaldi hi milenge Dhruv aur Trisha se, abki baar ek full fledged Wattpad novel mein. Tab tak ke liye bye bye.